ကင်ဆာရှိကြောင်း သိလိုက်ရချိန်မှာ စိတ်ဖိစီးမှု၊ ၀မ်းနည်းမှု၊ အားငယ်မှု၊ စိတ်လှုပ်ရှားမှု၊ တုန်လှုပ်မှု စတဲ့ ခံစားချက်တွေ ရောပြွမ်းပြီး ခံစားရတာ
ကြောင့် ရှေ့ဆက်ပြီး ဘာလုပ်ရမလဲဆိုတာကို တွေးတောရ ခက်နေနိုင် ပါတယ်။ ကင်ဆာရှိကြောင့် သိရှိချိန်မှာ အကောင်းဆုံးရင်ဆိုင်ကျော် လွှားနိုင်ဖို့ အကြုံပြုချက်တွေ ရှိပါတယ်။
ကင်ဆာနှင့် ပတ်သက်သော အချက်အလက်များ ရယူပါ
ကင်ဆာရောဂါရှာဖွေမှုနဲ့ ပတ်သက်ပြီး အခြေခံကျပြီး အသုံးဝင်တဲ့ သတင်းအချက်အလက်တွေကို ရယူဖို့ ကြိုးစားပါ။ ဆရာဝန်နဲ့ တွေ့ဆုံတဲ့အခါ မိသားစုဝင်တစ်ဦး ဒါမှမဟုတ် အိမ်ထောင်ဖက်ကိုခေါ်သွားပါ။ တကယ်လို့ ဘာမေးရမယ်ဆိုတာ မသေချာရင် အောက်ပါအချက်အလက်တွေကို မေးဖို့ ချမှတ်ထားပါ။♦ ကျွန်တော့မှာ ဘယ်လိုကင်ဆာဖြစ်နေတာလဲ။
♦ ဘယ်နေရာမှာ ကင်ဆာဖြစ်နေတာလဲ။ ပြန့်နေပြီလား။
♦ ကင်ဆာကို ကုသနိုင်သလား။ ကင်ဆာကုသနိုင်ခြေ ဘယ်လောက် ရာခိုင်နှုန်းရှိသလဲ။
♦ တခြားဘယ်လို စမ်းသပ်စစ်ဆေးမှုတွေ လုပ်သင့်သလဲ။
♦ ဘယ်လိုကုသမှုမျိုးကို ဦးစားပေးသင့်သလဲ။
♦ ကုသမှုကြောင့် ဘယ်လို အကျိုးကျေးဇူးရှိမှာလဲ။
♦ ကုသမှုခံယူနေစဉ် ဘယ်လိုဘေးထွက်ဆိုးကျိုးတွေ ဖြစ်နိုင်သလဲ။
♦ ဘယ်အချိန်မှာ ဆရာဝန်ခေါ်သင့်သလဲ။
♦ ကင်ဆာ ထပ်မံမပြန့်အောင် ဘယ်လို ကာကွယ်နိုင်သလဲ။
♦ မိသားစုဝင်တွေနဲ့ သားသမီးတွေရော ကင်ဆာဖြစ်နိုင်ခြေ ရှိသလား။
ပွင့်ပွင့်လင်းလင်း ဆွေးနွေးပါ
ကင်ဆာရောဂါအကြောင်း ဆွေးနွေးရတာ စိတ်မသက်မသာဖြစ်စရာ ကောင်းပေမယ့် သင်ချစ်တဲ့သူတွေ ရှိနေချိန်မှာ ဆရာဝန်နဲ့ ပွင့်ပွင့်လင်းလင်း မေးမြန်းဆွေးနွေးပါ။ ဒါဆိုရင် သတင်းဆိုး ကြားရရင်တောင် အထီးကျန်ဝမ်းနည်းတဲ့ စိတ်ခံစားမှု ဖြစ်ပေါ်မှာ မဟုတ်ပါဘူး။ဖြစ်လာနိုင်သော ရုပ်ပိုင်းဆိုင်ရာ ပြောင်းလဲမှုကို ကြိုတင်ပြင်ဆင်ပါ
ကင်ဆာရောဂါတွေ့ရှိပြီး စတင်ကုသမှု မခံယူခင်အချိန်ဟာ ကြုံလာနိုင်တဲ့ အပြောင်းအလဲတွေအတွက် ကြိုတင်ပြင်ဆင်ဖို့ အကောင်းဆုံးအချိန်ပါ။ ကင်ဆာကုဆေးဝါးတွေကြောင့် ဆံပင်ကျွတ်တာနဲ့ အသား အရေ ခြောက်သွေ့နွမ်းနယ်နေတာတွေဖြစ်လာနိုင်တာကြောင့် အ၀တ်အစား၊ မိတ်ကပ်၊ ဆံပင်တု စတာတွေကို ပိုမို သက်သောင့်သက်သာရှိပြီး အဆင်ပြေအောင် ပြောင်းလဲပြင်ဆင်ထားသင့်ပါတယ်။
ကျန်းမာရေးနှင့်ညီညွတ်စွာ စားသောက်နေထိုင်ပါ
ကျန်းမာရေးနဲ့ ညီညွတ်တဲ့ ဘ၀နေထိုင်စားသောက်မှုပုံစံက စွမ်းအင်အဆင့်ကို တိုးစေပါတယ်။ ကျန်းမာရေး နဲ့ ညီညွတ်တဲ့ အစာတွေကို အစုံအလင်စားဖို့လိုတဲ့ အပြင်လုံလောက်တဲ့ အနားယူအပန်းဖြေမှုလည်း ရှိရပါ မယ်။ စိတ်ဖိစီးမှုကို ထိန်းချုပ်နိုင်အောင် အနားယူရပါမယ်။ ကင်ဆာကုသမှုကြောင့် ဖြစ်တဲ့ နုံးချည့်ညောင်း ညာမှု သက်သာစေဖို့ လေ့ကျင့်ခန်းမှန်မှန်ပြုလုပ်ပေးသင့်ပါတယ်။ ကုသမှု ခံယူနေစဉ်အတောအတွင်း လေ့ ကျင့်ခန်းလုပ်တာက ရောဂါဝေဒနာကို သက်သာစေရုံသာမက အသက်ရှည်ရှည် နေရစေပါတယ်။မိတ်ဆွေသူငယ်ချင်းနှင့် မိသားစုများကကူညီမှု ပေးပါရစေ
မိတ်ဆွေသူငယ်ချင်းတွေ၊ မိသားစုဝင်တွေက သင့်ကို ပြုစုဖို့ ဆောင်ရွက်ပေးတာ၊ တောက်တိုမည်ရ အလုပ်တွေ လုပ်ပေးတာ၊ အစာတွေ ပြင်ဆင်ကျွေးမွေးတာတွေ လုပ်ပေးတာကို လက်ခံပါ။ သူတို့ရဲ့ အကူအညီနဲ့ အားပေးစကားတွေက သင့်ရဲ့ခက်ခဲလှတဲ့ အချိန်တွေကို ကျော်လွှားရ အဆင်ပြေစေပါတယ်။
ဦးစားပေးကိစ္စများကို ဆောင်ရွက်ပါ
သင့်ဘ၀မှာ တကယ်အရေးပါတာကို ရွေးချယ်ဆုံးဖြတ်ပါ။ သင့်ဘ၀မှာ တကယ်ပြုလုပ်ချင်ပြီး မပြုလုပ်ဖြစ်သေးတဲ့ကိစ္စတွေကို အကောင်အထည်ဖော်နိုင်အောင်ကြိုးစားပါ။ လိုအပ်ရင် သင့်မိသားစုဝင်တွေကို ပြောပြ ပြီး အကူအညီတောင်းပါ။ စိတ်ချမ်းသာမှုကို ရရှိစေပါတယ်။
ပုံမှန်နေထိုင်မှုပုံစံကို ကြိုးစားပြီး တည်ဆောက်ပါ
ကင်ဆာဖြစ်နေပြီဆိုပြီး ရောဂါသည်လိုမျိုးမနေပါနဲ့။ ဖြစ်နိုင်ရင် ပုံမှန်နေထိုင်မှုပုံစံအတိုင်း ကျင့်သားရအောင် ကြိုးစားနေထိုင်ပါ။ လုပ်နိုင်တဲ့ အလုပ်တွေကို လုပ်ဆောင်ပါ။
ကင်ဆာရှိသူများနှင့် စကားပြောပါ
ဘ၀တူ ရောဂါသည်အချင်းချင်းတွေ့ဆုံတဲအခါ ကင်ဆာရောဂါနဲ့ ပတ်သက်ပြီးခံစားရသမျှ ဝေဒနာ အကြောင်းကို ရင်ဖွင့်ပြောဆိုနိုင်တာကြောင့် စိတ်ဓာတ်ကြံ့ခိုင်မှု ဖြစ်ပေါ်စေပါတယ်။ ကုသနေစဉ်အတွင်း ကြုံတွေ့ရတဲ့ အခက်အခဲတွေကို အချင်းချင်း ပြောပြရင် နောက်ထပ်ကုသမှုအတွက် ခံနိုင်ရည်ရှိလာစေပါ တယ်။
အကောင်းမြင်ပါ၊ ပညာပေးပါ
ကင်ဆာကုသမှု ခံယူနေစဉ်အတွင်းအနားရနေအောင် ကောင်းကောင်းအပန်းဖြေရပါမယ်။ စိတ်ထဲ တင်း ကျပ်နေရင် မိသားစုဝင် ဒါမှမဟုတ် ဆရာဝန်ကို ရင်ဖွင့်ပြောဆိုသင့်ပါတယ်။ ဒါမှမဟုတ် ခံစားချက်နဲ့ အတွေးတွေကို စာအုပ်တစ်အုပ်ထဲ ချရေးပါ။ သင့်အနေနဲ့ ကင်ဆာဖြစ်ရတဲ့ အကြောင်းရင်းကို သိရှိပြီဆိုရင် တခြားသူတွေမဖြစ်စေဖို့ ပညာပေးဖြန့်ဝေမှုတွေပြုလုပ်ပေးပါ။ ကိုးကွယ်ရာ ဘာသာတရားအလိုက် တရား အားထုတ်ပါ။ ရောဂါဖြစ်လာတဲ့အတွက် နောင်တရကြေကွဲဝမ်းနည်းမနေဘဲ တရားအားထုတ်ချိန်၊ အနားယူ အပန်းဖြေချိန်ရတယ်လို့ သဘောထားပြီး အချိန်တွေကို အကောင်းဆုံးနည်းနဲ့ နေထိုင်ဖြတ်သန်းသင့်ပါ တယ်။
အထက်ပါနည်းလမ်းတွေက ကင်ဆာဝေဒနာရှိတွေ ဆေးကုသမှု ခံယူစဉ်မှာ
စိတ်သက်သာရာရစေနိုင်တဲ့ နည်းတွေဖြစ်ပါတယ်။
ဇွန်ခိုင်ဦး (ဆေးဝါးတက္ကသိုလ်)
0 comments:
Post a Comment