ခန္ဓာကိုယ်အလေးချိန်ကျစေဖို့ ခန္ဓာကိုယ်ရဲ့ ဇီဝရုပ်ဖြစ်ပျက်မှုကောင်းတာကြောင့် အဆီတွေကို လောင်ကျွမ်းစေနိုင်ကာ ခန္ဓာကိုယ်အလေးအချိန်ကို ထိန်းရာရောက်စေပါတယ်။ ခန္ဓာကိုယ်အတွက် ဇီဝရုပ်ဖြစ်ပျက်မှုကို ကောင်းစေဖို့ ကျန်းမာရေးနဲ့ ညီညွှတ်တဲ့ဘဝနေထိုင်မှုပုံစံ လိုအပ်ပါတယ်။ ကျန်းမာတဲ့ဘဝနေထိုင်မှုဖြစ်ဖို့ လေ့လာကြည့်ပါ။
ကောင်းမွန်သော နံနက်စာ
မနက်စာစားဖို့ပြောတာက လွယ်ပါတယ်။ မစားမိတာက ပြဿနာပါ။ မနက်စာထဲမှာ ဗီတာမင်နဲ့ သတ္တုဓာတ်တွေပါတာကို စားသုံးပေးတာကြောင့် နောက်ထပ်တစ်နပ်စားသုံးဖို့ကို အရမ်းကြီး မစားမိအောင် အစားထိန်းသိမ်းမှုအကျင့်ကို ရစေတဲ့အပြင် သင့်ဦးနှောက်ကိုလည်း စွမ်းအင်ရရှိစေပါတယ်။ မနက်စာထဲမှာ အဆီထုတ်ထားတဲ့နို့ ရှစ်အောင်စနဲ့ သစ်သီးတချို့ကို ပါဝင်အောင် နေ့စဉ်မှီဝဲပေးတာကြောင့် သင့်ခန္ဓာကိုယ်အတွက် ကောင်းမွန်တဲ့ အာဟာရကိုဖြစ်စေပါတယ်။
လေ့ကျင့်မှု
တစ်နေ့ကို မိနစ် ၃၀လောက် ပုံမှန်လေ့ကျင့်ခန်းပြုလုပ်ပါ။ လမ်းလျှောက်တာ၊ စက်ဘီးစီးတာ၊ ကခုန်တာ၊ ကြိုးခုန်တာတွေလို လေ့ကျင့်မှုမျိုးကို ပြုလုပ်ပေးတာကြောင့် ခန္ဓာကိုယ်ကိုတက်ကြွလန်းဆန်းနေစေပါတယ်။ ကိုယ်အလေးချိန် ကျချင်တာကြောင့် အချိန်ကြာကြာကြီးလေ့ကျင့်ခန်းတွေ မလုပ်ပါနဲ့။ လေ့ကျင့်ခန်းကို မိနစ် ၉၀လောက်ပြုလုပ်ပေးရင်လည်း အလွန်အကျွံဖြစ်သွားစေတာကြောင့် သင်ဟာခန္ဓာကိုယ်အလေးချိန်ကျအောင် လေ့ကျင့်ခန်းနဲ့ ချနေသူဆိုရင် လိုအပ်တဲ့လေ့ကျင့်ချိန်ပမာဏကို သင့်ကျန်းမာရေးစံနှုန်းနဲ့တိုင်းတာဖို့ လေ့ကျင့်ရေးနည်းပြဆရာနဲ့တိုင်ပင်ပါ။
နည်းနည်းစားပါ
နေ့လယ်စာကို အဝစားထားလိုက်မယ် ဒါမှနောက်ထပ်ဗိုက်မဆာတော့မှာလို့ မတွေးပါနဲ့။ အစာကို နည်းနည်းနဲ့ မကြာခဏစားပေးတာဟာ ခန္ဓာကိုယ်လုပ်ဆောင်ချက်နဲ့ အစာခြေစနစ်ကို ကောင်းမွန်စေပါတယ်။ အစားအစာနဲ့ မုန့်ပဲသရေစာကို မျှတအောင်စားပေးတာကြောင့် ခန္ဓာကိုယ်တွင်းသကြားဓာတ်ကို ထိန်းချုပ်နိုင်ပါတယ်။
ကြွက်သားလေ့ကျင့်ခန်းလုပ်ပါ
ကြွက်သားတွေသန်မာစေဖို့ ပုံမှန်လေ့ကျင့်ခန်းပြုလုပ်ပေးဖို့လိုပါတယ်။ အလေးမလေ့ကျင့်ခန်းတွေကို ပုံမှန်ပြုလုပ်ပေးပါ။ အမေရိကန်မှ ဆီးချိုသွေးချိုဆိုင်ရာ လေ့လာသူတွေက တစ်ပတ်ကိုသုံးကြိမ်အလေးမလေ့ကျင့်ခန်းပြုလုပ်ပေးတာကြောင့် ခန္ဓာကိုယ်မှာ အင်ဆူလင်ဆင့် ကိုတိုးစေပြီး ခုခံအားလည်းတက်စေတယ်လို့ ဆိုပါတယ်။
ကယ်လိုရီကို လျှော့ပါ
ခန္ဓာကိုယ်အလေးချိန်ချနေချိန်မှာ ကယ်လိုရီင်္အနည်းဆုံးဖြစ်စေမဲ့ အစားအစာတွေကို စားပေးရမှာဖြစ်ပါတယ်။ ဒါကြောင့် သင်စားနေကျအစားအစာတွေထဲက အရသာတူပြီး ကယ်လိုရီပါဝင်မှု နည်းတဲ့ အစားအစာတွေကို အစားထိုး စားသုံးပေးပါ။ ဟင်းရွက်တွေကို ကြော်စားမယ့်အစား ပြုပ်စားတာမျိုး၊ သုပ်စားတာမျိုးပြုလုပ်ပါ။
ပရိုတင်းလုံလောက်ပါစေ
ခန္ဓာကိုယ်ရဲ့ ဇီဝရုပ်ဖြစ်ပျက်မှုအတွက် ပရိုတင်းဓာတ်လိုအပ်သလို၊ သင်ကကယ်လိုရီကို လျှော့စားနေတာ ဖြစ်တဲ့အတွက်လည်း ပရိုတင်းဓာတ်ကို လုံလောက်စွာ စားသုံးပေးဖို့လိုအပ်ပါတယ်။ ပေါင် ၁၅၀ရှိတဲ့ အမျိုးသမီးတယောက်အတွက် တစ်နေ့ကို ပရိုတင်း ၅၅ ဂရမ်ရရှိဖို့လိုပါတယ်။ ဒါမှမဟုတ်ရင် ပရိုတင်းဓာတ်ပါဝင်တဲ့ အာဟာရ ၅-၆ အောင်စလောက်တစ်နေ့ကို စားသုံးပေးသင့်ပါတယ်။
လေ့ကျင့်မှု အဆင့်မြှင့်တင်ပါ
လေ့ကျင့်ခန်းလုပ်ဖို့ အချိန်ကို တိုးရတာမျိုးမဟုတ်ပါဘူး။ လေ့ကျင့်ခန်းပြုလုပ်ချိန် မိနစ် ၃၀မှာ အရင်က သုံးမိုင်လောက်လမ်းလျှောက်နိုင်ခဲ့တယ်ဆိုရင် လေ့ကျင့်ချိန်ကြာလာတာနဲ့အမျှ မိနစ် ၃၀မှာ လေးမိုင်၊ ငါးမိုင်လောက်ထိ တိုးလာတာမျိုးကို လေ့ကျင့်ခန်းအဆင့်မြင့်လာတယ်လို့ ဆိုပါတယ်။ လေ့ကျင့်ခန်းပြုလုပ်လို့ ကုန်ဆုံးသွားတဲ့ ချွေးတွေအတွက် ရေအလံအလောက် ပြန်လည်သောက်သုံးပြီး ရေဓာတ်ခန်းခြောက်မှုမဖြစ်အောင် ကာကွယ်ပေးပါ။
အစာမဖြတ်ပါနဲ့
ကိုယ်အလေးချိန်တက်မှာစိုးလို့ အစာလုံးဝမစားတော့ဘဲ ဖြတ်တောက်လိုက်တာမျိုးတော့ မလုပ်သင့်ပါဘူး။ ပုံမှန်စားသင့်တဲ့ အာဟာရကိုတော့ စားသုံးပေးပါ။ ကိုယ်အလေးချိန်ကျစေတဲ့ ဆေးဝါးတွေကို မသုံးဘဲ ကယ်လိုရီလျှော့ထားပြီး ကိုယ်အလေးချိန်ချချင်သူတွေအတွက် အထူးပြုလုပ်ထားတဲ့ အစားအစာတွေကိုတော့ စားပေးလို့ရပါတယ်။
တက်ကြွစွာနေထိုင်ပါ
လုပ်ငန်းခွင်နဲ့ သင်နေထိုင်တဲ့ ပတ်ဝန်းကျင်မှာ တက်ကြွတဲ့ဟန်ပန်နဲ့တူ ပေါ့ပါးစွာနေထိုင်ပါ။ နေ့လယ်စာစားပြီးချိန်မှာ ရုံးပတ်ဝန်းကျင်နားမှာ ခဏတာလမ်းလျှောက်တာမျိုး၊ လှေကားသုံးပြီးတက်တာမျိုး၊ ဖုန်းရှိရာကို လမ်းလျှောက်ပြီး သွားပြောတာမျိုးတွေနဲ့ ကိုယ်လက်လှုပ်ရှားမှုရအောင်ယူပါ။ ထိုင်ခုံမှာ အထိုင်များနေပြီဆိုရင်လည်း အကြောဆန့်လေ့ကျင့်ခန်းလိုမျိုးတွေကို ပြုလုပ်လေ့ကျင့်ပေးပါ။
photo copy from google search
originally posted by Good Health
ကျန်းမာရေးဒေါင်ဒေါင်မြည်
ဖြစ်နေတဲ့အချိန်မှာတော့ ကြည့်ရတာ ပင်ပန်းနေတဲ့ပုံ
ဖြစ်စရာကြောင်းမရှိပါဘူး။ အရက်နာကျတာ (သို့) အိပ်ရေးပျက်တယ်ဆိုတာလည်း
ရှိမှာမဟုတ်ပါဘူး။ ဒါပေမဲ့ မျက်စိငိုက်ကျနေတာ၊ အသားအရေ
မွဲခြောက်ခြောက်ဖြစ်နေတာ၊ မျက်လုံးတွေ ရဲနေတာတို့ ဖြစ်နေကျဖြစ်တတ်ပါတယ်။
တိုက်ဆိုင်းသွားသလားတော့မသိ။ တစ်နည်းထက်မက ပြုမူနေထိုင်ပြုပြင်ဖို့
နည်းလမ်းတစ်ခုလည်း ဖြစ်ကောင်းဖြစ်နိုင်ပါတယ်။ ညလုံးပေါက် မအိပ်ဘဲ
နေတာတစ်ခုတည်းက ပင်ပန်းနွမ်းနယ်နေသလိုဖြစ်စေတဲ့ အကြောင်းတော့မဟုတ်ပါဘူး။
အားနည်းနေသလိုဖြစ်စေတဲ့ သင် ထင်မှတ်ထားမှာ မဟုတ်တဲ့ ကြာင်းအရာတချို့ကို
ညွန်ပြချင်ပါတယ်။
